Historio
Tie ĉi vi trovos raportojn kaj informojn pri la pasintaj Arkones-oj.
XXIX ARKONES 2013
Saluton… Finfine Vi venas… mi komencis ĉagreniĝi, kiam mi ne vidis vin ĉi tie. Saluton, tre agrable ekkoni vin! – ĉiuj ĵus venintaj homoj aŭdis tiajn bonvenojn la 20an de septembro en la longa koridoro de la Fervojista Kulturdomo en Poznano. Tie malgravis, ĉu oni estas nova esperantisto, kiu apenaŭ komencis verdan aventuron, ne konante la etoson de Esperantaj renkontiĝoj, ĉu malnova amiko, kiu konas ĉiujn kaj estas de ĉiuj atendita, ĉu eĉ stelulo, kiu ludos, kantos, gvidos ludojn aŭ prelegos dum tiu unika semajnfino. Ne ekzistas simila renkontiĝo: ARKONES havas unikan etoson, unikajn celojn kaj, laŭ mi, ĝi plej taŭgas por la unua renkontiĝo.
XXVIII ARKONES - 21-23 IX 2012
Pasis nur kelkaj jaroj post translokiĝo de Arkones al la Fervojista domo ĉe la strato Niepodległości en Poznano, sed la loko jam fariĝis kara kaj preskaŭ tradicia por ĉiujaraj partoprenantoj de la aranĝo. La pola nomo de la strato signifas “Sendependeco” kaj ĝi ideale kongruas kun la etoso de la ARtaj KONfrontoj en ESperanto. Temas pri la sento, kiu okulfrapas (kaj orelfrapas!) tuj kiam oni eniras la kongresejon – de libera, senĝena kaj vasthorizonta arta sinesprimo – kompreneble en Esperanto, sed ne nur pri ĝi. La festivalo laŭ sia enhavo klare dividiĝas al prelega kaj vesperprograma partoj. Kvankam la vespera programo estas tradicie rigardata kiel pli grava, laŭ mi, ambaŭ ili meritas pli detalan trarigardon.
XXVII-a ARKONES 2011
La 23an–25an de septembro en la fervojista domo de la Pollanda urbo Poznano okazis ARKONES – ARtaj KONfrontoj en ESperanto. La programon plenigis trideko da prelegoj kaj prezentaĵoj – libroprezentoj, prelegoj pri historio, lingvo kaj amasinformado, kunvenoj primovadaj kaj aliaj.
XXVI-a ARKONES 2010
Post multaj jaroj la ARtaj KONfrontoj en ESperanto forlasis la lernejon Łejery apud la Citadelo de Poznano kaj translokiĝis al la Fervojista Kulturdomo, kie rezidas la klubo E-Senco, kaj kiun gvidas esperantisto Wiesław Libner. La ŝanĝo de la ejo finance savis la aranĝon, al kiu ĉi-jare venis ducento da personoj. La nova ejo havis nur unu mankon: ne estis la tre populara en Łejery manĝoĉambro, en kiu oni povis dum pluraj horoj konversacii kaj diskuti ĉe teo, kafo aŭ biero.
XXV-a ARKONES 2009
Kvankam multaj pollandaj aktivuloj ĉi-jare elspezis siajn ŝparaĵojn por partopreno en la Bjalistoka UK, ARKONES denove logis ducenton da partoprenantoj kaj konfirmiĝis kiel la plej amasa kaj interesa semajnfina esperantista renkontiĝo en la Orienta Eŭropo.
XXIV-a ARKONES 2008
Iam eta renkontiĝo de kelkaj dekoj da artemaj kaj lingvemaj pollandaj (eks)studentoj, Artaj Konfrontoj en Esperanto, iom post iom fariĝis la plej grava inter la tradiciaj esperantistaj renkontiĝoj en la Orienta Eŭropo.
XXIII-a ARKONES 2007
Ĉi tiuj ARtaj KONfrontoj en ESperanto, kun pli ol 200 partoprenantoj el 25 landoj, havis aŭspicion de la urbestro, Ryszard Grobelny, kaj de UEA, kiun aktive reprezentis ĝenerala sekretario Barbara Pietrzak kaj ĝenerala direktoro Osmo Buller.
XXII-a ARKONES 2006
La 22aj Artaj Konfrontoj en Esperanto rekonfirmis la reputacion de ARKONES kiel la plej interesa tradicia semajnfina renkontiĝo en la Orienta Eŭropo. Tamen ĉi-jaraj Konfrontoj, okazintaj en Poznań 29 sep – 1 okt 2006, havis du novajn programerojn.
XXI-a ARKONES 2005
Arkones okazis inter 30 de septembro kaj 02 de oktobro 2005 en Poznań (Pollando) kaj partoprenis ĝin pli ol 218 personoj el 25 landoj. Pri Arkones raportis lokaj televido, radio kaj gazetaro. Ĝi, kiel kutime, okazis tuj post la sesio de Interlingvistikaj Studoj de la Universitato Adam Mickiewicz en Poznań (26-30.09.2005).
XX-a ARKONES 2004
Plurfoje venas demandoj: kial ni tiom malmulte informas pri Arkones ? Eble pro la pigreco, eble pro la postaranĝa ripozemo, eble pro aǔtuna melankolio… Sed ĉifoje ni faru escepton kaj iom raportu pri Artaj Konfrontoj en Esperanto Arkones – sendependa kultura forumo, kies organizantoj volonte kunlaboras kun ĉiuj .
XIX-a ARKONES 2003
XVIII-a ARKONES 2002
XVIII-aj “ARKONES” okazis en Poznań en la lernejo “ŁEJERY” inter 27 – 29.09.2002.
XVII-a ARKONES 2001
Kvankam neniu povis antaŭvidi, ke rezulte de septembra terorisma atako al novjorka WTC profesoro Tonkin venis al Poznań ne aŭtune sed nur vintre, malgraŭ tio la aranĝo estis impone riĉa je kuluara ĉeesto de akademianoj. Feliĉe scienculoj ne endanĝerigis la tradician etoson de ARKONES-aj kuluaroj kaj multaj gejunuloj drinkis sian bieron sentime kaj interkonatiĝadis intime (tamen iuj ankaŭ in-time).
XVI-a ARKONES 2000
XV-a ARKONES 1999
XIII-a ARKONES 1997
XII-a ARKONES 1996
XI-a ARKONES 1995
X-a ARKONES 1991
IX-a ARKONES 1990
VIII-a ARKONES 1989
XIV-a ARKONES 1998
VII-a ARKONES 1988
VI-a ARKONES 1987
V-a ARKONES 1986
IV-a ARKONES 1984
III-a ARKONES 1983
II-a ARKONES 1981
I-a ARKONES 1980.
XXXV ARKONES 2019
XXXIV ARKONES 2018
XXX ARKONES 2014
XXXI ARKONES 2015
XXXII ARKONES 2016
XXXIII ARKONES 2017
XXXVI ARKONES 2022
La afiŝo:
Subtenu nin!
Partneroj
