Kiu estas kiu
Ni mencias ĉi tie:
- unuavice la personojn, kiuj grave kontribuis al la programo aŭ organizo de minimume tri el la pasintaj Arkones-oj (kvankam ni ankoraŭ ne sukcesis enmeti ĉiujn)
duavice - tiujn, kiuj kontribuis al unu el la lastaj Arkones-oj (ankaŭ tie montriĝas breĉoj)
- kaj fine tiujn, kiuj jam anoncis sian programkontribuon al la sekvonta aranĝo.
La celo estas helpi al vi orientiĝi pri "merituloj" kiujn vi estas renkontonta en la kuluaroj de nia aranĝo. Tial la informoj estas tute arbitraj kaj iom hazardaj, sed ni opinias tion konforma al la etoso de Arkones. Tial povas okazi, ke pli ni skribis pri lokaj agantoj ol pri mondkonataj personoj. La plenan (kaj pli seriozan) liston de ĉiuj estintaj kaj estontaj kontribuintoj ni esperas iam finprepari, kaj espereble ni pretos por la jubilea XXV-a Arkones-o.
